Aaj Tu Be Sabab Udaas Hai Jee
Ishq Hota Tu Koi Baat Bhi Thi

Jalta Phirta Hoon Kyon Dupehron Main
Jaane Kya Cheez Kho Gayi Hai Meri

Vahin Phirta Hoon Main Bhi Khaak-ba-Sar
Is Bhare Sheher Main Hai Ik Galii

Chupta Phirta Hai Ishq Dunya Se 
Phailti Jaati Hai Rusvaaii

Hamnasheen Kya Kahoon Ke Woh Kya Hai
Chor Ye Baat Neend Urnay Lagi 

Aaj Tu Woh Bhi Kuch Khaamosh Sa Tha
Main Ne Bhi Us Se Koi Baat Na Ki

Ek Dam Us Ke Haath Choom Liye
Ye Mujhe Baithe Baithe Kya Soojhi

Tu Jo Itna Udaas Hai Nasir
Tujhe Kya Ho Gaya Bata Tu Sahi

Main umr kay rastay main chup chaap bikhar jaata
ik din bhi agar apni tanhai sey darr jaata

main tark-e-taalluq par zindah hoon so mujrim hoon
kaash us kay leay jeeta apnay leay mar jaata

us raat koi khushboo qurbat main naheen jaagi
main warna sanwar jaata aur woh bhi nikhar jaata

us jaan-e-takallum ko tum mujh sey tou milwaatay
taskheer na kar paata, hairaan tou kar jaata

kal saamnay manzil thi peechhay miri aawazain
chalta tou bichad jaata, rukta tou safar jaata

main shehr ki raunaq main gum ho kay bohat khush tha
ik shaam bacha leta ik rouz tou ghar jaata

mehroom fazaaon main, maayoos nazaaron main
tum azm naheen thehray, main kaisay thehar jaata.

(azm behzad)

Baymani Hai, Dhoop Main Saya
Itnay Jatan Aur Khak Milaya

Ye Bhi Sahi Aur Woh Bhi Haqeeqat
Youn Bhi Milay Waise Bhi Paya

Dekh Liya Is Dunya Ka Karna
Sach Kaha Insha Sab Kuch Maya

Haq Dhoonda Aur Manga Haq Ko
Haq Ko Khoya Phir Haq Paya

Beja Khwahish, Beja Hasrat
Tu Ne Kya Dil Tor Ke Paya

Ishq Muhabbat, Khwab Dilon Ke
Na Hasrat Na Tabeer Main Paya

Ishq Kya Aur Dil Nahi Dharka
Aye Diwane Ja Kuch Nahi Paya

Kuch Lamhe Thora sa Bachpan
Sab Jo Samayta, Bus Itna Paya

Shaam Ko Panchi Jab Laute Tu
Chhor Ke Dunya, Ghar Ko Paya

One of my favorite ghazals in the poets own voice, enjoy.